بلوک هفت

چه ن شيعر له كتاو گيان

فه‌داێ سه‌رد ئه‌گه‌ر م له‌ێوا كه‌لاوه گه‌ردم

ته‌نيا كه‌لاوه زانێ هاڵ و هه‌واڵ ده‌ردم

هه‌ر شه‌و له ناو كه‌لاوه‌يل تێدن ده‌نگ نه‌زارێگ

م كوول به‌ر په‌شێوی هه‌رچێ هه‌ناس سه‌ردم

به‌وره‌و خه‌‌ێاڵ چييند شه‌ش ده‌ر له‌ليم به‌سايه

تا تاس تڕ ئه‌‌ڕام باى تاؤسه ته‌خته نه‌ردم

خولێگ خوه‌د خيسيدن قه‌مچان ئيمه شێوان

تا رووژێگ ت بايدن له‌و شوون خووڵه گه‌ردم

كه‌لاوه شوون قسيه‌ێ رووژ و شه‌وه‌يل ئيمه‌س

فه‌داێ سه‌رد ئه‌گه‌ر م له‌ێوا كه‌لاوه گه‌ردم

2

داخم ئه‌‌ڕاێ يه‌ێ شه‌و تره‌ك

داخم ئه‌‌ڕاێ يه‌ێ شه‌و تره‌ك خوه‌د بؤدو به‌زم سه‌ر شه‌وێ

تا گه‌ر دواره بشكنيم له‌و بو هه‌ناسه سه‌ر خه‌وێ

تيه‌ريكه شه‌و بگرێدن ئێ مانگه شه‌‌وه‌يل بێ نزه

كووره‌و بوودن ئه‌وماڵه‌گ نه‌ودن له ناوێ چه‌و كه‌وێ

ھﻪی ئاهوو تاشه‌يل به‌رز هاكوو خه‌‌ێاڵ سه‌وز ت

بشكێ ده‌س ئه‌و كافره كرده‌د وه نه‌خش قه‌ێ نه‌وێ

وه‌رده‌يل وشك باێر ئێ گه‌رمه‌سێره بؤ‌نه چه‌و

به‌و‌ چيين‌ كه‌نگڵاشنگ بنووڕ له‌ێ گه‌رده‌تؤچانه ده‌وێ

وه‌ختێ وه ‌ميل سرمه دان سؤەڕمی شه‌وار كيشێده چه‌و

هؤرد وه پێمه‌و بوو كه‌سم يه‌ێ ده‌ف بيه باڵ ﭽوێ